റൊസാരിയോ: അന്താരാഷ്ട്ര ഫുട്ബോളിലെ ഇതിഹാസതുല്യമായ കരിയറിന് വിരാമമിടാൻ തയാറെടുക്കുന്ന ലയണൽ മെസ്സിയും കുടുംബവും അർജന്റീനയിൽ എത്തിച്ചേർന്നു. തന്റെ വിടവാങ്ങൽ മത്സരത്തിന് മുന്നോടിയായി മെസ്സിയും കുടുംബവും സ്വന്തം നാടായ റൊസാരിയോയിലാണ് വിമാനമിറങ്ങിയത്.
ഇനി നാല് ദിവസങ്ങൾക്കപ്പുറം, വരുന്ന ചൊവ്വാഴ്ച വൈകുന്നേരമാണ് നീലയും വെള്ളയും വരയുള്ള അർജന്റീന ജേഴ്സിയിൽ മെസ്സി അവസാനമായി പന്തുതട്ടുക. നീണ്ട 21 വർഷക്കാലം രാജ്യത്തിനായി ബൂട്ടണിഞ്ഞ ശേഷമാണ് ഇതിഹാസതാരം തന്റെ അവിസ്മരണീയമായ അന്താരാഷ്ട്ര കരിയറിന് ഔദ്യോഗികമായി വിരാമമിടുന്നത്.
മെസ്സിയുടെ മുൻ സഹതാരങ്ങളും അടുത്ത സുഹൃത്തുക്കളും കുടുംബാംഗങ്ങളും ഈ ചരിത്ര നിമിഷത്തിന് സാക്ഷ്യംവഹിക്കാൻ സ്റ്റേഡിയത്തിലെത്തുമെന്നാണ് റിപ്പോർട്ടുകൾ. ഫുട്ബോൾ ലോകത്തെ ഏറ്റവും വികാരനിർഭരമായ സായാഹ്നങ്ങളിലൊന്നായി ഈ വിടവാങ്ങൽ മത്സരം മാറുമെന്നുറപ്പാണ്. പ്രിയ നായകന്റെ അവസാന അങ്കത്തെ ഹൃദയത്തോട് ചേർക്കാൻ ലോകമെമ്പാടുമുള്ള ആരാധകരും സ്വന്തം നാട്ടുകാരും ആവേശത്തോടെയും ആകാംക്ഷയോടെയും കാത്തിരിക്കുകയാണ്.
Content Summary
Lionel Messi and his family have arrived in Rosario, Argentina, as he prepares for his farewell match. The final game is scheduled for Tuesday evening at Argentina's jersey stadium, marking the end of his 21-year international career. Former teammates, friends, and family are expected to attend the historic event.






